श्रावणझडी, कोरी साडी
उलगडे अलगद
मनात ...
श्रावणगंध, ओला धुंद
हर्षाचा निशिगंध
अंगणात...
श्रावणसाज, गुलाबी लाज
मनीचा राजा
स्वप्नात...
श्रावणरंग, हळदीचे अंग
भरले केशर
भांगात...
श्रावणबेत, खुलवित नेत
सापडावे चंदन
स्वतःत...
श्रावणगाणी, झिम्माड क्षणी
तृप्तीचा अंकुर
गर्भात...
श्रावणसडा, माहेरी धाडा
दाटली हुरहूर
डोळ्यांत...
बाईचे हे बाईपण
जणू भोगतो श्रावण
चैतन्याची खूण, सर्वांगात...
- प्रतिमा संजीवनी
उलगडे अलगद
मनात ...
श्रावणगंध, ओला धुंद
हर्षाचा निशिगंध
अंगणात...
श्रावणसाज, गुलाबी लाज
मनीचा राजा
स्वप्नात...
श्रावणरंग, हळदीचे अंग
भरले केशर
भांगात...
श्रावणबेत, खुलवित नेत
सापडावे चंदन
स्वतःत...
श्रावणगाणी, झिम्माड क्षणी
तृप्तीचा अंकुर
गर्भात...
श्रावणसडा, माहेरी धाडा
दाटली हुरहूर
डोळ्यांत...
बाईचे हे बाईपण
जणू भोगतो श्रावण
चैतन्याची खूण, सर्वांगात...
- प्रतिमा संजीवनी
No comments:
Post a Comment