लोकसभेत ‘वंदे मातरम’ राष्ट्रगीताचा इस्लामविरोधी खासदारानं केला अवमान

बुधवार दि.८ मे २०१३ रोजी लोकसभेत वंदे मातरम् सुरू झाल्याबरोबर लगेचच लोकसभेबाहेर जाऊन बसपा खासदार शफीकुर्र रेहमान बर्क यांनी राष्ट्रगीताचा अपमान करण्याचा घोर अपराध केला आहे.

लोकसभा अध्यक्ष मीरा कुमार यांनी प्रचंड नाराजी व्यक्त करून भविष्यात असे वर्तन करू नये असा दम त्यांना दिल्यानंतरही बर्क यांनी तो नाकारून पुढिलप्रमाणे  ताशेरे झोडले आहेत.
 

बर्क म्हणाले की ,"‘वंदे मातरम’ इस्लामविरोधी असून इस्लाम यासाठी परवानगी देत नाही.मी जाणूनबुजून याचा बहिष्कार केलाय आणि भविष्यातही मी ‘वंदे मातरम’साठी उभं राहणार नाही.१९९७ सालच्या स्वातंत्र्यदिनालाही एका कार्यक्रमात मी असंच केलं होतं. वंदे मातरमचा संविधानातही उल्लेख नाही. मी राष्ट्रगीताचा आदर करतो पण वंदे मातरमचा मी राष्ट्रीय गीत म्हणून स्वीकार करणार नाही आणि असं करण्यापासून मला कुणीही रोखू शकत नाही",