मुंबई विद्यापीठातून गिरवा अभिनयाचे धडे

मुंबई दि.२४मे:- चित्रपटसृष्टीचे आकर्षण प्रत्येकालाच असते. दिवसेंदिवस चित्रपट आणि दूरदर्शन क्षेत्रात करिअर करणा-यांची संख्या झपाट्याने वाढत आहे. यामुळेच गेल्या अनेक वर्षांपासून अनेकदा विद्यार्थ्यांकडून होणा-या मागणीचा विचार करून मुंबई विद्यापीठाने येत्या शैक्षणिक वर्षांपासून चित्रपट आणि दूरदर्शन क्षेत्राशी संबंधित पाच अभ्यासक्रम सुरू करण्याचा निर्णय घेतला आहे.

या चित्रपट आणि दूरदर्शन क्षेत्राशी संबंधित पदवी आणि पदविका अभ्यासक्रमाची सर्व माहिती लवकरच मुंबई विद्यापीठाच्या संकेतस्थळावर ( http://mu.ac.in/ ) देण्यात येणार असून यामध्ये विद्यार्थ्यांना फिल्म, टीव्ही अँण्ड न्यू मीडिया प्रॉ़डक्शन या विषयात पदवी ते पदव्युत्तर पदविका घेता येईल. तसेच मास्टर ऑफ एंटरटेन्मेंट स्टडी आणि फिल्म स्टडीमध्ये मास्टर ऑफ आर्ट्स यांसारखे अनेक अभ्यासक्रमही सुरू करण्यात येतील.

अशाप्रकारे मुंबई विद्यापीठाने इच्छूक विद्यार्थ्यांना दिलेली ही सूवर्णसंधीच आहे, असे म्हणता येईल.


- प्रतिमा कांबळे