मुंबई दि.१५ मे : सुप्रसिद्ध बॉलिवुड अभिनेत्री मनिषा कोईराला अखेर झाली कॅन्सरमुक्त.मनिषाने स्वत: फेसबुकवरून आपल्या चाहत्यांना ही आनंदाची बातमी देताना म्हटले की, "हा माझा पुनर्जन्म झाला आहे.जेव्हा कर्करोग झाल्याचे समजले तेव्हा माझ्यावर दु:खाचा डोंगरच कोसळला.परंतू माझ्या कुटुंबियांनी, मित्र परिवारांनी आणि कॅन्सर क्लबच्या सदस्यांनी कर्करोगाशी लढण्यासाठी प्रेरणा दिल्यामुळे माझा आत्मविश्वास वाढला.आता मी कर्करोगमुक्त झाल्यामुळे मला फार बरे वाटत आहे".
मागच्या वर्षी डिसेंबर महिन्यात मुंबईतील जसलोक हॉस्पिटलमध्ये मनिषाला कर्करोग झाल्याचे निदान झाले होते. त्यामुळे अधिक चांगल्या उपचारांसाठी ती अमेरिकेला गेली होती.मनिषाला पूर्णपणे तंदुरूस्त होण्यासाठी अजून काही वेळ लागेल.
मनिषा कर्करोगमुक्त झाल्यामुळे तिच्या चाहत्यांना फार बरे वाटत आहे.तिने कर्करोगाशी दिलेली झुंज आणि त्यात तिला मिळालेले यश निश्चितच प्रेरणादायी आहे.
- प्रतिमा कांबळे .
No comments:
Post a Comment